Хуудас:  1   2   3   4   5  .... ( 398 мэдээ )

2019-11-14 05:49:49

иигата их сургуулийн үүсэл хөгжил нь 150 жилийн түүхтэй. Ниигата их сургууль Япон улсын Ниигата хотод байрладаг, 1949 оны 5 дугаар сард байгуулагдсан. Жилийн төсөв нь 572 мянган ам доллар, 2019 оны 05 сарын байдлаар нийт 12335 оюутан суралцагчидтай, үүнээс бакалавр 10255, аспирант 2034 суралцдаг. Хүний нөөцийн хувьд 3199 багш, ажилтнуудтай.

Шилдэг их сургуулиудын рейтинг QS World University Rankings 2020 -ээр 601-650-д жагссан алдартай их сургууль юм.

Тус их сургууль нь хүмүүнлэг, хууль, байгалийн шинжлэх ухаан, багшийн, эдийн засгийн болон инженерийн факультетуудтай. Мөн эрдэм шинжилгээний хүрээлэнгүүд, төвүүд, шүдний болон анагаах ухааны эмнэлгүүдтэй.

Эмзүй болон хэрэглээний шинжлэх ухааны их сургуулийн Ургамлын биотехнологийн лабораторийн эрхлэгч, профессор Hiroshi Tanaka, тус сургуулийн гадаад харилцааны ажилтан Shoma Watanabe нар ТДС-ийн Ерөнхий захирал Б. Бат-Эрдэнэ болон бусад холбогдох хүмүүстэй уулзаж санал солилцлоо.

Зочид төлөөлөгчид ТДС, ХТПК-ийн сургалтын орчин, сургуулийн дадлагын газар, үйлдвэрийн үйл ажиллагаатай танилцлаа.

Зохицуулах үйлчлэл бүхий хүнсний бүтээгдэхүүн, хүнсний чанар, аюулгүй байдлын чиглэлээр хамтран ажиллаж, судалгаа туршилтын ажлууд гүйцэтгэх боломжийн талаар харилцан санал солилцсон уулзалт боллоо.

 

 

Ч. Нарангэрэл

Дэлгэрэнгүй ..

2019-11-05 08:40:06

Технологийн дээд сургуулийн Хүнсний технологийн тэнхимийн харьяа ХҮҮТ-4а ангийн оюутан А.Жавхлан 2019 оны 6-р сарын 5-9-нд зохион байгуулагдсан “Chinggis Khan Challenge Cup-2019“ олон улсын тэмцээнд залуучуудын төрөлд оролцож, Ази хоол, загасны махан хоол хийн оролцож хүрэл медаль авсан.

Дэлгэрэнгүй ..

2019-11-05 08:38:31

Технологийн дээд сургуулийн ХҮҮТ-4А, ХИ-2б ангийн оюутнууд Олон улсын хүүхдийн Найрамдал цогцолбор, Shangrila, Werenda, Miko суши зоогийн газруудад үйлдвэрлэлийн дадлага хийж гүйцэтгэсэн. 2019 оны 9-р сарын 20-ны өдөр тайлан хамгаалалтыг зохион байгуулж, оюутнуудыг хоол хийлгэх, реферат бичүүлэх, илтгэл тавиулах 3 хэлбэрээр үнэлсэн нь тэдний онолын мэдлэг, ур чадварыг дээшлүүлэхэд ихээхэн түлхэц боллоо.

Дэлгэрэнгүй ..

2019-10-21 07:03:14

 "Торгоны зам-2019" олон улсын авто мото уралдааны кемп. Бивуак гэж нэрлэдэг. 37 орны 1600 орчим хүн, 450 машин техник, 97 тамирчинтай уралдаан УБ-УБ уралдаан тойрог замаар 473 км. Маргааш УБ-Мандалговь. Нөгөөдөр Мандалговь-Даланзадгад.маршрутаар амжилттай зохион байгуулагдлаа. Тус арга хэмжээний гол онцлог хоолны үйл ажиллагаа байлаа. Хөшигтийн хөндийд 2,5 өдөр 11000 орчим тамирчдад МУ-ийн мастер тогооч, ХТПК-ийн хоол үйлдвэрлэлийн багш С. Цэнд-Аюуш удирдаж ажилалаа. Мөн МУ-ийн мастер тогооч С. Доржсүрэн, ХТПК-ийн хоол үйлдвэрлэлийн багш Д. Отгонтуяа, С. Сувд-Эрдэнэ, сайн дурын үйл ажиллагаанд Дэлхийн ур чадвар 2019 оны тогооч мэргэжлийн оролцогч, ХТПК-ийн суралцагч Л. Чибаяр, Залуу тогооч А. Эрдэнэбаясгалан, С. Түвшинзаяа нар оролцлоо.

Дэлгэрэнгүй ..

2019-10-21 06:56:53

ОХУ-ын Казань хотод зохион байгуулагдсан Дэлхийн ур чадварын 45 дахь удаагийн тэмцээнд тогооч мэргэжлийн оролцогч Лхагва-Очир овогтой Чибаяр, олон улсын тэмцээний медальтан Амаржаргал овогтой Амаржаргал, багш С. Цэнд-Аюуш нар 1-р ангийн суралцагчдад Мэргэжлийн бахархал сэдэвт ярилцлага зохион байгууллаа. Яагаад тогооч мэргэжил сонгосон, ямар бэрхшээл тохиолдож, амжилтанд хүрч байсан өөрсдийн туршлагаас дөнгөж мэргэжлээ сонгон суралцаж байгаа дүү нартаа сонирхолтой ярилцлага зохион байгууллаа.

Дэлгэрэнгүй ..

2019-10-21 06:39:09

Дэлхийн ур чадварын тэмцээний шалгаруулалтыг хот, орон нутгийн 9 МСҮТ, политехник коллежуудын суралцагчид өрсөлдсөнөөс нэг сургуулиас 2 суралцагч шалгаруулан 2 дахь шатны тэмцээнийг зохион байгуулсан. 2 дахь шатны тэмцээнд тухайн сургуулиас шалгарсан суралцагчдаас 2 суралцагч өгөгдсөн ур чадварын даалгаврын дагуу гүйцэтгэснээс ХТПК-ийн оролцогч Л. Чибаяр, А. Амартүвшин нар шалгарч эцсийн шалгаруулалтанд орох эрхээ авсан. 2018 оны 12 сард эцсийн шатны шалгаруулалтанд оролцож Л. Чибаяр тэргүүлж, Казань явах эрхээ авсан.

Дэлгэрэнгүй ..

2019-10-19 06:19:28

Тус сургууль Олон улсын дадлагажигч оюутан хөтөлбөрт хамрагдахаар Япон улсын Ворлд Бизнес Партнер ХХК-тай (WORLD BUSINESS PARTNER) хамтран ажиллах гэрээ байгууллаа.

Дадлагажигч оюутан хөтөлбөрийн давуу талууд:

  • Олон улсын хөдөлмөрийн хөтөлбөрт хамрагдаж, суралцах боломжтой
  • Япон хэлний болон япон соёл, боловсролд суралцах боломжтой
  • Японд нэг жилийн цалинтай дадлагажиж, Монгол дахь сургалтын төлбөрөө олох боломжтой
  • Маш бага зардлаар хөтөлбөртөө хамрагдах боломжтой
  • Сургуулиа төгссөний дараа Япон улсад ажиллаж амьдрах боломж нээгдэх

 

2019-2020 оны хичээлийн жилд тус сургуулиас 40 оюутан уг хөтөлбөрт хамрагдах хүсэлтээ гарган ярилцлагад оролцсон бөгөөд тэднээс 25 оюутан сонгогдож, сургууль дээрээ 2019.10.14-нөөс эхлэн Япон хэлний сургалтандаа суралцаж эхлээд байна.

Оюутнууддаа амжилт хүсье!

 

Ч. Нарангэрэл

Дэлгэрэнгүй ..

2019-10-19 06:13:17

Тус сургууль байгуулагдсан цагаасаа эхлэн 50 гаруй жилийн хугацаанд Хүнсний манлай үйлдвэр АПУ ХК-тай хамтран ажиллаж байна. Энэ удаа АПУ ХК-ний Техникийн албаны захиалгаар тус сургууль дээр “Хөргөлтийн тоног төхөөрөмжийн засварчин” мэргэжлийн чадамжийн сургалт 2019.09.28-ны өдрөөс 2019.11.03 өдөр хүртэл зохион байгуулагдаж байна.

Чадамжийн сургалтын онол, дадлагын хөтөлбөрийн дагуу АПУ ХК-д хөргөлтийн чиглэлээр ажиилаж буй 14 ажилтан манай сургалтанд хамрагдаж байна. ТДС-ийн хөргөлтийн инженер багш Я. Алтанцэцэг, хөргөлтийн инженер А.Отгонбаяр нар сургалт явуулж байна.

Дэлгэрэнгүй ..

2019-10-18 06:13:43

Тус сургуулийн Хүнс, технологийн тэнхимийн эрхлэгч Б. Гэрэлчулуун, багш П. Өлзий-Орших нар 2019 оны 09 сарын 04-нөөс 2019 оны 10 дугаар сарын 03-ны хооронд ӨМӨЗО-ны нийслэл Хөх хотод “Хөдөө аж ахуйн гаралтай бүтээгдэхүүний боловсруулалт болон аюулгүй байдлын чанарын хяналт-2019” сэдэвт сургалтанд хамрагдаж амжилттай төгсөөд ирлээ.

Сургалтын агуулга нь хүнс үйлдвэрлэх технологийн үндэс, хүнсний микробиологийн үндэс, хүнсний сав баглаа боодолд тавигдах орчин үеийн чиг шаардлага, хүнсний савлагаанд хэрэглэж буй нийлэг материалууд, мах, сүү боловсруулах технологи, исгэлтийн үйлдвэрлэл, үр тариа, жимс, хүнсний ногоо боловсруулах агуулгын хүрээнд явагдсан.

Мөн сургалт нь Өвөр Монголын Хөдөө Аж Ахуйн Их Сургууль, Газар Тариалангийн Их Сургууль болон бусад салбарын тэргүүлэх үйлдвэр, лабораторит явагдсан болно.

Энэ удаагийн сургалтаар онолын сургалт, туршилт хичээл, сүү, цагаан идээ боловсруулах үйлдвэр, мах, махан бүтээгдэхүүн боловсруулах үйлдвэр, үнээний ферм, үр тариа, ургамлын лаборатори, адуу судлалын институт зэрэгт сургалтыг зохион байгуулсан.

Дэлгэрэнгүй ..
Хуудас:  1   2   3   4   5  .... ( 398 мэдээ )

Харилцагч байгууллагууд

© 2015 он, Технологийн дээд сургууль. Бүх эрх хуулиар хамгаалагдсан